Quiso-m'hoj'un cavaleiro dizer,
amigas, ca me quería gran ben,
e defendí-lho eu, e ũa ren
sei, per quant'eu i del pud'aprender:
tornou mui trist'e eu ben lh'entendí
que lhi pesou, porque lho defendí.
Quis m'el dizer, assí Deus mi perdón,
o ben que mi quer a mui gran pavor,
e quiso-me logo chamar senhor,
e defendí-lho eu, e el entón
tornou mui trist'e eu ben lh'entendí
que lhi pesou, porque lho defendí.
Falava migu'e quiso-me falar
no mui gran ben que m'el diz ca mi quer,
e dixi-lh'eu que non lh'era mester
de falar i, e el con gran pesar
tornou mui trist'e eu ben lh'entendí
que lhi pesou porque lho defendí.
E tenho que desmesura fiz i,
porque lh'end'algũa ren non tornei i.
